ဗီုရုပ်ဂမၠိုၚ်ဂှ် ကၠောန်ဗဒှ် PDF

သွက်ဂွံကၠောန်ဍေံဂှ် ဗွဲကိုပ်ကၠာသ္ဒး Download ကေတ် FastStone တုဲ Install စုတ် ပ္ဍဲစက်ခမ်ပျူတာဇကုညိ။ Install တုဲ နဲဂွံကၠောန်ဂှ် အတိုၚ်သၟဝ်ဝွံ မဒှ်ရ။

(၁) ဍဵု Open 

 

(၂) ကေတ်ဗီုရုပ် ဒၞာဲဇကုမစွံလဝ်ဂှ်ညိ။ ညးချူလိက်ဝွံ ဟိုတ်နူစွံလဝ် Folder ဗီုရုပ်ဂှ် ပ္ဍဲကဵု DATA (D:)တုဲ  မ္ဒးဍဵု ဒၞာဲကဵု (1) (D:) => (2) Mon Tipitaka (Folder မစွံလဝ်ဗီုရုပ်)ဂှ်ရ။

(၃)  ခ္ဍံက် Click လ္ပာ်ပုၚ် လ္တူဗီုရုပ်ဂှ်တုဲ ရုဲစှ်ကေတ် Select => All Ctrl+A ဂှ်ညိ။ (ဒၞာဲဝွံ ယဝ်ဇကုမိက်ဂွံကၠောန် PDF သီုဖအိုတ်မ္ဂး Ctrl+A တုဲ ယဝ်မိက်ဂွံဍံက်ကၠောန်ဗီုရုပ်ဇကုနွံပၟိက်မ္ဂး ဍဵုလဝ် Ctrl တုဲ ဗီုရုပ်ဇကုဒးစိုတ်ဂှ် ခဍံက် Click လ္ပာ်ပဲါညိ။)

(၄) ဗီုရုပ်ဇကုမိက်ဂွံကၠောန်ဂှ် ရုဲစှ်ကေတ်တုဲ ဍဵု Create => Multi-page File Builder (Alt+M)

(၅) ဒၞာဲဝွံ ယဝ်ကေတ်ဗ္ၜတ်အတိုၚ်ပကတိဂှ်မ္ဂး မုလေဝ်ဟွံဒးဆိၚ်ရ။ ယဝ်မိက်ဂွံဆိၚ် မိက်ဂွံသၠာဲဗ္ၜတ် ဗီုရုပ်တံဂှ်မ္ဂး ကဵုစၟတ်ဒၞာဲ Resize တုဲ ဂကူ Size ဇကုဒးစိုတ်ဂှ် ရုဲစှ်ကေတ်မာန်ရ။

 (၆) ရုဲစှ်ကေတ်ဂကူ PDF Format တုဲ ဒၞာဲ Quality ဂှ် တက်စုတ် 50 တုဲ ဍဵု Create ညိ။ (တၚ်စၟတ်။ ။ ဒၞာဲ Quality ဂှ် အတိုၚ်ဇကုနွံပၟိက်တက်မာန်မံၚ်ရ။ ယဝ်တက်လဝ်ဂနန်ဇၞော်မ္ဂး Quality ဗီုရုပ်ဇကုဂှ် ကၠးခိုဟ်တုဲ ဗ္ၜတ် File ဇကုကၠောန်လဝ်ဂှ်လေဝ် ဇၞော်အာကီုရ။ ဟိုတ်ဂှ်ရ ဗီုရုပ်လေဝ်ညံၚ်ဂွံကၠး ဗ္ၜတ် File လေဝ် ညံၚ်ဂွံဍောတ်တုဲ ရုဲစှ်ကေတ်ဗ္ၜတ်မပ္တံ 50 / 60 ရ။)

(၇) ဒၞာဲ File name ဂှ် ယၟုဇကုဒးစိုတ်ဂှ် တၚ်စုတ်တုဲ ဍဵု Save

 (၈) ဍဵု Ok

ဉာဏ်ရတ်