လၞီဝေဒနာမွဲပ္ၚံက်

Novel 122

သစ္စမေတ္တာ

Novel 142

gadgets for windows 8

ပ္ဍဲ Windows7 ဂှ်ၜိုန် Gadgets ပါကၠုၚ်ဒတုဲကီုလေဝ် ကာလစိုပ်ကၠုၚ် Windows8 ဏံဂှ် Gadgets ဟွံပါကၠုၚ်ကရောံ Windows တုဲ Gadgets ပိုယ်မ Dwonload ဂိုၚ်စွံလဝ်တုဲတုဲတံဂှ်လေဝ် install စုတ်ပ္ဍဲစက်ဟွံဂွံရ။ ဟိုတ်ဂှ်ရ ယဝ်နွံပၟိက်မိက်ဂွံသုၚ်စောဲ Gadgets ဗီု Windows7 ပၠန်မ္ဂး ဒး install စုတ် 8GadgetPack တုဲမှ ဂွံထပ်စုတ် Gadgets ပိုယ်မသုၚ်စောဲဒၟံၚ်တုဲတုဲတေံ ဂွံရ။ မွဲသာ်ပၠန် ပ္ဍဲ 8GadgetPack ဝွံ Gadget နွံမံၚ်ဗွဲမဂၠိုၚ်တုဲ လၟိဟ်ဂကူ Gadgets လေဝ်ဂၠိုၚ် ဗီုပြၚ်သ္ၚိ Gadgets လေဝ် ကျေဝ်နူကဵု Windows7 ဟီုစဂွံရ။ ကြဴနူဂှ် မပ္တံကဵု Gadget ကြက္ကဒိန်မန်, Gadget တၞဟ်ဟ်တံလေဝ် မိက်ဂွံထပ်စုတ်မ္ဂး ထပ်စုတ်ဂွံမာန်ရ။ ယဝ်နွံပၟိက်မ္ဂး ဂၠောၚ်ပလှ်ကေတ် အတိုၚ်သၟဝ်ဝွံညိ။

(1) 8GadgetPack
(2) Mon calendar Gadget

တင်စၟတ်။ ။ သွက်ညးမသုၚ်စောဲဒၟံၚ် Windows8 တံဂှ် ယဝ်စုတ် Gadget ကြက္ကဒိန်မန် Unicode ဂှ်မ္ဂး ပြေပြံၚ်ဂၠိုၚ်ရ။

By NyanRott

သုၚ်စောဲ Itools သွက်ဂွံစၠောံ files ပ္ဍဲ Iphone, Ipad တံ

သွက်ဂွံစၠောံ files ဆေၚ်စပ်ကဵု iDevices အိုတ်သီုတံဂှ် ၜိုန် iTunes နွံမံၚ်တုဲတုဲကီုလေဝ် လဆောဝ်မ္ဂး ခမ်ပျူတာလ္ၚဵုတံဂှ် သုၚ်စောဲဟွံပြေပြံၚ် မပ္တံကဵု Errors တံ၊ သ္ပ Sync apps ဟွံဂွံတံတုဲ ညးမသုၚ်စောဲ iTunes ဒှ်ကၠုၚ်အခက်အခုဲ ဂွံဆဵုကေတ်ရ။ ယဝ်ဒှ်သာ်ဂှ်မ္ဂး သဟာဲတံ လ္ပဍောၚ်စိုတ်ညိ။ ယဝ်သဟာဲ သုၚ်စောဲ iTools ဝွံမ္ဂး ပြေပြံၚ်မာန်ရ။ iTools ဝွံ ဗ္ၜတ်ဝှာၚ်လေဝ်ဍောတ် သုၚ်စောဲလေဝ်လောဲ ပြဟ်ပြေဟ်သာဍာတဴရ။ ဆဂး iTools မွဲဓဝ်ဟိုတ်နူဒတူလိုၚ်ဟွံဂွံတုဲ ပ္ဍဲစက်သဟာဲဂှ် ဒး Install စုတ်လဝ် iTunes ဗွဲကိုပ်ကၠာတုဲမှ ဂွံပံက် iTools မ္ဂး ဍေံညာတ်ဖုၚ်(Device)ဇကုမာန်တုဲ ကေၚ်ကာမပ္တံကဵု စၠောံဗီုရုပ်၊ စၠောံဒွက်၊ စၠောံကဝးရုပ်တံမာန်အိုတ်ရ။ ယဝ်နွံပၟိက်မ္ဂး ဂၠောၚ်ပလှ်ကေတ် အတိုၚ်သၟဝ်ဝွံညိ။

သွက် Windows Os

သွက် Mac Os

သုၚ်စောဲ Connectify တုဲ ဗီုဂွံပါ်ပရအ်သုၚ်စောဲ Wifi internet

ခေတ်လၟုဟ်ဟိုတ်နူစက်အရပ်အစပ်သုၚ်စောဲဂတာပ်ခေတ်ဂၠိုၚ်ကၠုၚ်တုဲ ညးမွဲမ္ဂး ပိုၚ်ပြဳလဝ် ကပေါတ်ၜါဂကူ၊ ပိဂကူ မပ္တံကဵု Laptop, Taplet, Phone မပ္တံသာ်ဝွံအိုတ်ရ။ ပ္ဍဲကပေါတ်တံဂှ်မွဲမွဲပၠန် ဒှ်မၚ်ကပေါတ်ဒးသုၚ်စောဲကဵု internet ဖအိုတ်တုဲ internet နွံမှသုၚ်စောဲဍိုက်ပေၚ်ပြေပြံၚ်ဂၠိုၚ်ရ။ တုဲပၠန် သွက်ဂွံပါ်ပရအ် Wifi internet တံဂှ်ပၠန်လေဝ် ဟိုတ်နူစက်ပါ်ပရအ် Wifi  တၞဟ်ခြာမွဲမွဲဟွံမွဲတုဲ သုၚ်စောဲပ္ဍဲခမ်ပျူတာမ္ဂး ပ္ဍဲဖုၚ်သုၚ်စောဲဟွံဂွံ၊ သုၚ်စောဲပ္ဍဲဖုၚ်မ္ဂး ပ္ဍဲခမ်ပျူတာသုၚ်စောဲဟွံဂွံ လ္ၚဵုဂှ် ဒှ်ကၠုၚ်မံၚ်အခက်အခုဲ ဂွံဆဵုကေတ်ကီုရ။ ဟိုတ်ဂှ်ရ ပ္ဍဲစက်ခမ်ပျူတာပိုယ် ယဝ်ဂွံစုတ်လဝ် Connectify ဝွံမ္ဂး နူဂှ်မွဲကဆံၚ် ပါ်ပရအ်သုၚ်စောဲ Wifi ကဵု Taplet, Phone တၞဟ်ဟ်တံအလုံအိုတ်သီုမာန်အိုတ်ရ။ ယဝ်နွံပၟိက်မ္ဂး ဂၠောၚ်ပလှ်ကေတ် အတိုၚ်သၟဝ်ဝွံညိ။

(၁) CONNECTIFY_PRO_4.3.0

         (ဟွံသေၚ်မ္ဂး)

(၂) Connectify_v3.25

(၁) ယဝ်သုၚ်စောဲ Connectify Pro 4.3.0 ဂှ်မ္ဂး ကာလ install စုတ်ပ္ဍဲခမ်ပျူတာတုဲ ဍေံသၟာန်ကၠုၚ်မ္ဂး ရုဲစှ်ကေတ် Enter License တုဲ ဗပေၚ်စုတ် အတိုၚ်သၟဝ်ဏံညိ။ 

email: rene.bidner@hotmail.com

serial: QE4943-K24T79-KKJKKA-M2NQKW-XWVZYT-Z8DN8J-6NEN1A-UCRZ1A-EM8E7J-AV529K-ZEDV52-4EYYFV-T4UE7G-AFVAYW-77G5B4-JKNBJS-Z4MEX7-HRB2TT-N7GVF4-UBXNJS-288MXL-G5GAPU-3UQ

(၂) ယဝ်သုၚ်စောဲလဝ် Connectify v3.25 ဂှ်မ္ဂး ဍဵု connectify.pro.v3.25-patch ဂှ်တုဲ copy ဗပေၚ်စုတ် အတိုၚ်ဍေံမကဵုလဝ်ဂှ်ညိ။

ဗီုဂွံသုၚ်စောဲ

(၁) ဒၞာဲ Hotspot Name တက် တက်စုတ်ယၟုဒးကဵုဂၞပ်စိုတ်ဇကုညိ။

(၂) ဒၞာဲ Password ဂှ် တက်စုတ် ဂနန်ပဏုက်သမ္တီလောဲ အောန်အိုတ်ဒ္စာံမ။

(၃) ဍဵု Start Hotspot 

(၄) ပံက် Wifi ပ္ဍဲဖုၚ်ဇကု Device ဇကုမိက်ဂွံသုၚ်စောဲ internet တံဂှ်တုဲ ခဍံက်ယၟု Wifi ဇကုမတၚ်လဝ် (Connectify-me) ဂှ်တုဲ တက်စုတ်ဂနန်ပၞုက်ဇကုမ္ဂး သုၚ်စောဲဂွံရ။

ဍဵု Clients မ္ဂး ဒဒှ်ရ ဖုၚ်ဇကုသုၚ်စောဲဆက်စၠောံလဝ် Wifi ဂှ် ဂွံဆဵုကေတ်အတိုၚ်သၟဝ်ဝွံမဒှ်ရ။

ကဵုဂွံပြေပြံၚ်မာန်ညိ

ဉာဏ်ရတ်

Applications ဟွံဒးသုၚ်စောဲတံ ဗီုဂွံနုက်ပ္တိတ်

  Pragrams မစုတ် (install) လဝ်ပ္ဍဲခမ်ပျူတာပိုဲတံဂှ် ဟိုတ်နူဒှ်တၚ်အခက်အခုဲ မလေပ်သ္ပကဵုအန္တရာဲခမ်ပျူတာမွဲမွဲကီု၊ ဟိုတ်နူဟွံဒးစိုတ် ဟွံမိက်သုၚ်စောဲကီု ဟိုတ်နူမိက်ဂွံသၠာဲသုၚ်စောဲဂကူတၞဟ်ကီုတုဲ ယဝ်မိက်ဂွံနုက်ပ္တိတ် (Uninstall) ထောံ Programs တံဂှ်မ္ဂး နကဵုနဲသၟဝ်ဝွံ နုက်ပ္တိတ်မာန်ရ။ ဒၞာဲဂွံ Uninstall Programs ပ္ဍဲ Windows OS ၜိုန်နွံမံၚ်ဗွဲမချိုတ်ပၠိုတ်ကီုလေဝ် ပ္ဍဲ Mac OS ဂှ် တၞဟ်ခြာမံၚ်ညိရ။ ညးချူလိက်ဝွံ ရန်တၟံကဵု ညးမသုၚ်စောဲခမ်ပျူတာတၟိတၟိတံတုဲ မ္ဒးချူဏာ ဗီုဂွံ နုက်ပ္တိတ် Programs သီု OS ၜါဂကူမဒှ်ရ။

Windows OS 

(၁) အာကဵု Start >> Control Panel

 (၂) Programs

(၃) Programs and Features

(၄) ဒၞာဲဝွံ Program ပိုဲမိက်ဂွံနုက်ပ္တိတ်ဂှ် ခ္ဍံက်မွဲလ္တုန်တုဲ ဍဵု Uninstall ညိ။ (ဝါ) ဍဵု Window + R (Run) တုဲ တက်စုတ် appwiz.cpl မ္ဂး စိုပ်ဒၞာဲဏံ တိုက်ရိုက်ဟဂှ်ရ။)

 (၅) ယဝ်ဍေံသၟာန် Are you sure you want to uninstall ...... ....? မပ္တံသာ်ဝွံ မ္ဂး ဍဵု Yes ညိ။ 

  တၚ်စၟတ်။ ။ Program မွဲကဵုမွဲ ဟိုတ်နူချူလဝ်ဟွံတုဲ အစဳဇန်ဒးဆက်အာဂတဝွံလေဝ် ဟွံတုပ်သၟဟ်ညးသ္ကံရ။ ဟိုတ်ဂှ်ရ အရာဝွံ ချူထ္ၜးကဵုကိုန်ဂစိုတ်ဟွံဂွံတုဲ ရံၚ်ဗှ်ဗက် အတိုၚ်အစဳဇန်ဍေံမသၟာန်တံဂှ်တုဲ ဍဵုဗက်အာမပ္တံကဵု Yes, Next, Finish, Close တံမဒှ်ရ။

 - - - - - - - - - - -  - --  - - - - - - - - - - - - - - -

Mac OS

 ပ္ဍဲ Mac OS ဝွံ ဒၞာဲ Uninstall Programs ချိုတ်တ်ပၠိုတ်တ် ဗီုWindows OS ဂှ် ဟွံမွဲတုဲ သ္ဂောံနုက်ပ္တိတ် Application ဟွံမွဲပၟိက်တံဂှ် ဒှ်မံၚ်တၚ်ဝါတ်ဂါတ် သွက်ညးမရပ်စပ်သုၚ်စောဲ Mac တၟိတၟိတံရ။ ဆဂး နဲဂွံနုက်ပ္တိတ်ဂှ် နွံဂၠိုၚ်မံၚ်ကီုရ။ လ္ၚဵုဂှ် အာဇိုတ်မံၚ်ဒၞာဲ Applications တုဲ လ္ၚဵုဂှ် အာဇိုတ်မံၚ်ပ္ဍဲကဵု System files လေဝ်နွံရ။ သ္အာၚ်နူဂှ် သုၚ်စောဲ software မွဲမွဲတုဲ သ္ပ Uninstall (နုက်ပ္တိတ်) Applications တံလေဝ် နွံမံၚ်ကီုရ။ ပၞောဝ်ဂှ် ပွမနုက်ပ္တိတ် Applications ကဵု AppCleaner ဂှ် ပြေပြံၚ်လောဲသွာမံၚ်တုဲ မိက်ဂွံပါ်ပရအ်ကဵု ကောန်ဂကူပိုဲ ညးမသုၚ်စောဲမံၚ် Mac OS တံရ။

(၁) ဗွဲကိုပ်ကၠာ Download ကေတ် AppCleaner ဒၞာဲဏံညိ။

(၂) AppCleaner ပိုဲမ Download လဝ်ဂှ် Copy ကေတ်တုဲ အာ Paste စုတ် ပ္ဍဲကဵု Applications filder ညိ။

(၃) လ္တူ AppCleaner ဂှ် ဍဵု click ၜါလ္တုန် (ဝါ) right click >> open 

(၄) ယဝ်ပိုဲမိက်ဂွံဇိုတ် မိက်ဂွံနုက်ပ္တိတ် Applications တံမ္ဂး ခဍံက်ဒၞာဲ Applications မွဲဝါတုဲ ကဵုထောံစၟတ်ကဵု Application ပိုဲမိက်ဂွံနုက်ပ္တိတ်တုဲ ဍဵု Search ညိ။ (ညးချူလိက်ဝွံ ဟိုတ်နူမိက်ဂွံနုက်ပ္တိတ် ilivid တုဲ ကဵုလဝ်စၟတ်ဒၞာဲဂှ် မဒှ်ရ။)

(၅) file မဆေၚ်စပ်ကဵု Application ပိုဲမိက်ဂွံနုက်ပ္တိတ်ဂှ် ဍေံဂၠိုက်ဂၠာဲတုဲ ထ္ၜးကဵု အတိုၚ်သၟဝ်ဝွံ မဒှ်ရ။ သွက်ဂွံဇိုတ်ဝှာၚ်တံဂှ် ဍဵု Delete မ္ဂး ကိစ္စအာစိုပ်ဒတုဲရ။ ( files, folders ပိုဲမဇိုတ်လဝ်လၟုဟ်ဂှ် ဟိုတ်နူဍေံကၠဟ်ထောံလဝ် ပ္ဍဲ Trash (နထၟိက်)တုဲ ယဝ်မိက်ဂွံကလေၚ်ကေတ်မ္ဂး ကလေၚ်ကေတ်ဂွံမာန်တုဲ ယဝ်မိက်ဂွံဇိုတ်ထောံပိုတ်တ်သ္ကုတ်တ်မ္ဂး ဍဵု Empty Trash တုဲ ဇိုတ်ကၠေံမာန်ရ။)

NyanRott

ဒဏ္ဍာရဳ မာံကာန်စဳ

Article 72

ဟွံတီမွဲမဂှ် ဒှ်ပရေံအိုတ်တဲ ညးပျဲ ညးထဴ ညးဟအဴ ညးဂြိုၚ်

Article 81

ပၞာန်ဂၠးကဝ် အလန်ဒုတိယ

Article 54