Applications ဟွံဒးသုၚ်စောဲတံ ဗီုဂွံနုက်ပ္တိတ်

  Pragrams မစုတ် (install) လဝ်ပ္ဍဲခမ်ပျူတာပိုဲတံဂှ် ဟိုတ်နူဒှ်တၚ်အခက်အခုဲ မလေပ်သ္ပကဵုအန္တရာဲခမ်ပျူတာမွဲမွဲကီု၊ ဟိုတ်နူဟွံဒးစိုတ် ဟွံမိက်သုၚ်စောဲကီု ဟိုတ်နူမိက်ဂွံသၠာဲသုၚ်စောဲဂကူတၞဟ်ကီုတုဲ ယဝ်မိက်ဂွံနုက်ပ္တိတ် (Uninstall) ထောံ Programs တံဂှ်မ္ဂး နကဵုနဲသၟဝ်ဝွံ နုက်ပ္တိတ်မာန်ရ။ ဒၞာဲဂွံ Uninstall Programs ပ္ဍဲ Windows OS ၜိုန်နွံမံၚ်ဗွဲမချိုတ်ပၠိုတ်ကီုလေဝ် ပ္ဍဲ Mac OS ဂှ် တၞဟ်ခြာမံၚ်ညိရ။ ညးချူလိက်ဝွံ ရန်တၟံကဵု ညးမသုၚ်စောဲခမ်ပျူတာတၟိတၟိတံတုဲ မ္ဒးချူဏာ ဗီုဂွံ နုက်ပ္တိတ် Programs သီု OS ၜါဂကူမဒှ်ရ။

Windows OS 

(၁) အာကဵု Start >> Control Panel

 (၂) Programs

(၃) Programs and Features

(၄) ဒၞာဲဝွံ Program ပိုဲမိက်ဂွံနုက်ပ္တိတ်ဂှ် ခ္ဍံက်မွဲလ္တုန်တုဲ ဍဵု Uninstall ညိ။ (ဝါ) ဍဵု Window + R (Run) တုဲ တက်စုတ် appwiz.cpl မ္ဂး စိုပ်ဒၞာဲဏံ တိုက်ရိုက်ဟဂှ်ရ။)

 (၅) ယဝ်ဍေံသၟာန် Are you sure you want to uninstall ...... ....? မပ္တံသာ်ဝွံ မ္ဂး ဍဵု Yes ညိ။ 

  တၚ်စၟတ်။ ။ Program မွဲကဵုမွဲ ဟိုတ်နူချူလဝ်ဟွံတုဲ အစဳဇန်ဒးဆက်အာဂတဝွံလေဝ် ဟွံတုပ်သၟဟ်ညးသ္ကံရ။ ဟိုတ်ဂှ်ရ အရာဝွံ ချူထ္ၜးကဵုကိုန်ဂစိုတ်ဟွံဂွံတုဲ ရံၚ်ဗှ်ဗက် အတိုၚ်အစဳဇန်ဍေံမသၟာန်တံဂှ်တုဲ ဍဵုဗက်အာမပ္တံကဵု Yes, Next, Finish, Close တံမဒှ်ရ။

 - - - - - - - - - - -  - --  - - - - - - - - - - - - - - -

Mac OS

 ပ္ဍဲ Mac OS ဝွံ ဒၞာဲ Uninstall Programs ချိုတ်တ်ပၠိုတ်တ် ဗီုWindows OS ဂှ် ဟွံမွဲတုဲ သ္ဂောံနုက်ပ္တိတ် Application ဟွံမွဲပၟိက်တံဂှ် ဒှ်မံၚ်တၚ်ဝါတ်ဂါတ် သွက်ညးမရပ်စပ်သုၚ်စောဲ Mac တၟိတၟိတံရ။ ဆဂး နဲဂွံနုက်ပ္တိတ်ဂှ် နွံဂၠိုၚ်မံၚ်ကီုရ။ လ္ၚဵုဂှ် အာဇိုတ်မံၚ်ဒၞာဲ Applications တုဲ လ္ၚဵုဂှ် အာဇိုတ်မံၚ်ပ္ဍဲကဵု System files လေဝ်နွံရ။ သ္အာၚ်နူဂှ် သုၚ်စောဲ software မွဲမွဲတုဲ သ္ပ Uninstall (နုက်ပ္တိတ်) Applications တံလေဝ် နွံမံၚ်ကီုရ။ ပၞောဝ်ဂှ် ပွမနုက်ပ္တိတ် Applications ကဵု AppCleaner ဂှ် ပြေပြံၚ်လောဲသွာမံၚ်တုဲ မိက်ဂွံပါ်ပရအ်ကဵု ကောန်ဂကူပိုဲ ညးမသုၚ်စောဲမံၚ် Mac OS တံရ။

(၁) ဗွဲကိုပ်ကၠာ Download ကေတ် AppCleaner ဒၞာဲဏံညိ။

(၂) AppCleaner ပိုဲမ Download လဝ်ဂှ် Copy ကေတ်တုဲ အာ Paste စုတ် ပ္ဍဲကဵု Applications filder ညိ။

(၃) လ္တူ AppCleaner ဂှ် ဍဵု click ၜါလ္တုန် (ဝါ) right click >> open 

(၄) ယဝ်ပိုဲမိက်ဂွံဇိုတ် မိက်ဂွံနုက်ပ္တိတ် Applications တံမ္ဂး ခဍံက်ဒၞာဲ Applications မွဲဝါတုဲ ကဵုထောံစၟတ်ကဵု Application ပိုဲမိက်ဂွံနုက်ပ္တိတ်တုဲ ဍဵု Search ညိ။ (ညးချူလိက်ဝွံ ဟိုတ်နူမိက်ဂွံနုက်ပ္တိတ် ilivid တုဲ ကဵုလဝ်စၟတ်ဒၞာဲဂှ် မဒှ်ရ။)

(၅) file မဆေၚ်စပ်ကဵု Application ပိုဲမိက်ဂွံနုက်ပ္တိတ်ဂှ် ဍေံဂၠိုက်ဂၠာဲတုဲ ထ္ၜးကဵု အတိုၚ်သၟဝ်ဝွံ မဒှ်ရ။ သွက်ဂွံဇိုတ်ဝှာၚ်တံဂှ် ဍဵု Delete မ္ဂး ကိစ္စအာစိုပ်ဒတုဲရ။ ( files, folders ပိုဲမဇိုတ်လဝ်လၟုဟ်ဂှ် ဟိုတ်နူဍေံကၠဟ်ထောံလဝ် ပ္ဍဲ Trash (နထၟိက်)တုဲ ယဝ်မိက်ဂွံကလေၚ်ကေတ်မ္ဂး ကလေၚ်ကေတ်ဂွံမာန်တုဲ ယဝ်မိက်ဂွံဇိုတ်ထောံပိုတ်တ်သ္ကုတ်တ်မ္ဂး ဍဵု Empty Trash တုဲ ဇိုတ်ကၠေံမာန်ရ။)

NyanRott

ဒဏ္ဍာရဳ မာံကာန်စဳ

Article 72

ဟွံတီမွဲမဂှ် ဒှ်ပရေံအိုတ်တဲ ညးပျဲ ညးထဴ ညးဟအဴ ညးဂြိုၚ်

Article 81

ပၞာန်ဂၠးကဝ် အလန်ဒုတိယ

Article 54

သုၚ်စောဲအဘိဓါန်မန်+အၚ်္ဂလိက် ပ္ဍဲ Mac OS

အဘိဓါန်မန်+အၚ်္ဂလိက်ဝွံ ဟိုတ်နူကၠောန်လဝ် ဂကူ.dictionary တုဲ install သုၚ်စောဲဍေံတၞဟ်ခြာဟွံဂွံရ။ ၜိုန်ဂှ်လေဝ် Dictionary မပါကၠုၚ်နူကဵုစက် Mac ဂှ် ဟိုတ်နူဍေံဟွံစဵုဒၞာလဝ် အခေါၚ်မထပ်စုတ် အဘိဓါန်တၞဟ်သ္အာၚ်တုဲ အဘိဓါန်ပိုယ်မနွံပၟိက်ဂှ် ထပ်စုတ်မာန်တုဲ အဘိဓါန်မန်ဝွံ ဂွံကၠုၚ်ပၞော်ယီု သွက်ဂွံသုၚ်စောဲ ပ္ဍဲစက် Mac ဗွဲမလောဲသွာကီုဂှ် မိပ်တဴစိုတ်ဗွဲမလောန်ရ။ သွက်ကောန်ဂကူမန် မနွံပၟိက် မိက်ဂွံသုၚ်စောဲ အဘိဓါန်မန်+အၚ်္ဂလိက် တံလေဝ် ဂွံသုၚ်စောဲအာမာန်ကီုတုဲ မ္ဒးပါ်ပရအ်ပတိုန်ဏာကဵု ပ္ဍဲ Website ဝွံ မဒှ်ရ။

ဗီုဂွံစုတ်အဘိဓါန်-

(၁) ဂၠောၚ်ပလှ် (Download)ကေတ် အဘိဓါန်မန် ဒၞာဲဝွံညိ။

(၂)  ဝှာၚ်ပိုယ်မ Download လဝ်ဂှ် ဟိုတ်နူဒှ်မံၚ်ဂကူဝှာၚ် .zip ကလေၚ်သ္ပ UnZip တုဲမှ ဂွံသုၚ်စောဲဂွံရ။ လ္တူဝှာၚ် Dictionary ဂှ် ဍဵု Right Click >> Open With >> Archive Utility (default) ဂှ်ညိ။

(၃) တုဲမ္ဂး ဝှာၚ် The Modern Mon-English Dictionary ပဵုကၠုၚ်မွဲ ဂွံဆဵုကေတ်ရ။ လ္တူ Right Click လ္တူဝှာၚ်ဂှ်တုဲ Copy ကေတ်ညိ။

(၄) အာကဵု Finder >> Go >> Computer

(၅) Macintosh >> Library 

(၆) ခဍံက်ဒၞာဲ Dictionaries ၜါလ္တုန်

(၇) ဍဵု Right Click တုဲ ရုဲစှ်ကေတ် Paste item သွက်ဂွံကူစုတ်အဘိဓါန် ပ္ဍဲ folder ဝွံ မဒှ်ရ။ တုဲမ္ဂး မာတ်ကၠေံမာန်ရ။

(၈) အဘိဓါန်ဝွံ အာကဵု Applications တုဲ ဍဵု Dictionary

(၉) ကရောံအဘိဓါန်အၚ်္ဂလိက်ဂှ် အဘိဓါန်မန်လေဝ် လုပ်ကၠုၚ်ဂှ် ဂွံဆဵုကေတ်ရ။ မလိက်ပိုယ်နွံပၟိက်မိက်ဂွံဂၠာဲဂှ် တက်စုတ်ဒၞာဲ Search Bar လ္ပာ်သ္ကဲ (ဒၞာဲမတက်လဝ် "မန်") ဂှ်တုဲ ခဍံက် Enter မ္ဂး အဘိဓါန်ဝွံ ပံက်ထ္ၜးကဵု အတိုၚ်သၟဝ်ဝွံ မဒှ်ရ။

 တၚ်စၟတ်။ ။ အဘိဓါန်ဝွံ ဟိုတ်နူတက်လဝ်ကဵုမလိက် Unicode တုဲ ကာလပိုယ်ဂၠာဲမလိက်လေဝ် သုၚ်စောဲ Keyboard ကေုာံ font Unicode တုဲမှ သ္ဂောံဂၠာဲဂွံ ဗှ်ဂွံရ။ နဲဂွံစုတ် Keymagic ဂှ် ဗှ်ဒၞာဲမုက်လိက်ဝွံတုဲ နဲဂွံထပ်စုတ် Unimon Keyboary ပ္ဍဲ Keymagic မွံကဆံၚ်ပၠန်ဂှ် အာဗှ်မုက်လိက်ဝွံညိ။ သွက်အဘိဓါန်မန် ပ္ဍဲ Online ဂှ် အာဒၞာဲဝွံညိ။

ဉာဏ်ရတ်

ဘဝမွဲ

ပါ်ပရအ် Wifi နူကဵု MacBook

သွက်ညးမရပ်စပ်မံၚ် MacBook တုဲ သုၚ်စောဲဒၟံၚ် Internet တံဂှ် ယဝ်ပိုဲမိက်ဂွံပါ်ပရအ်ဏာ ခမ်ပျူတာညးမွဲသ္အာၚ် သုၚ်စောဲ internet မွဲအဆက်ကီု မိက်ဂွံပြၚ်ဏာ wifi internet နူကဵုဖုၚ်မွဲကဆံၚ်ကီုမ္ဂး အတိုၚ်နဲမထ္ၜးလဝ်သၟဝ်ဝွံ ပါ်ပရအ် ပြၚ်စၠောံမာန်ရ။

(၁) အာကဵု System Preferences ညိ။

(၂) ခဍံက်ဒၞာဲ sharing မွဲဝါညိ။

(၃) ခဍံက်လ္တူမလိက် Internet Sharing မွဲဝါတုဲ ဒၞာဲ Share your connection from ဂှ် ယဝ်စက်သဟာဲ သုၚ်စ​ောဲမံၚ် Modem အေန်တာနေတ် မွဲမွဲမ္ဂး ရုဲစှ်ကေတ် ဂကူ Modem တုဲ ယဝ်သုၚ်စောဲမံၚ် မံၚ် အေန်တာနေတ်ဇုက် Wifi တံ မွဲမွဲမ္ဂး ရုဲစှ်ကေတ်မပ္တံကဵု AirPort , Ethernet တံဂှ်ညိ။ တုဲမ္ဂး ဒၞာဲ To computers using: ကဵုကၠေံစၟတ် AirPort ညိ။ (ယဝ်ဟွံပြေပြံၚ်မ္ဂး ရုဲကေတ်မပ္တံ Ethernet တံညိ) တုဲမ္ဂး ခဍံက်ဒၞာဲ AirPort Options ဂှ်ညိ။

(၄) ဒၞာဲ Network Name: တက်စုတ်ယၟုနွံပၟိက်တုဲ Channel: ဂှ် ရုဲကေတ် Auto တုဲ ဍဵု Ok ညိ။

(၅) ဗလးအတိုၚ်လ္တူဂှ်မ္ဂး ဍေံဟွံဂီုကၠီုတုဲ ယဝ်မိက်ဂွံဍဵုကသအ် စုတ်ဂနန်ပဏုက်မ္ဂး ကဵုကၠေံစၟတ် ဒၞာဲ Enable encryption (using WEP) ညိ။ တုဲမ္ဂး ဒၞာဲ Password ကဵု Confirm Password ဂှ် တက်စုတ်ဂနန်ပဏုက်မနွံပၟိက်ညိ။ တုဲမ္ဂး ဍဵု Ok ညိ။

(၆) ကဵုကၠေံစၟတ်ဒၞာဲ Internet Sharing တုဲ ကာလဍေံသၟာတ် Are you sure you want to turn on internet sharing? မ္ဂး ဍဵု Start ညိ။

(၇) ဒဒှ်ရ ပါ်ပရအ် ပြၚ်စၠောံမံၚ် အေန်တာနေတ် ရောၚ်ဂှ် ဂွံဆဵုကေတ်အတိုၚ်သၟဝ်ဝွံရ။ ကာလဂှ် ယဝ်သဟာဲမိက်ဂွံသုၚ်စောဲ Wifi ပ္ဍဲဖုၚ်မ္ဂး ပံက်ထောံ Wifi ပ္ဍဲဖုၚ်သဟာဲတုဲ ယၟုအေန်တာနက် Mon သဟာဲမတၚ်လဝ်ဂှ် ဂွံဆဵုကေတ်တုဲ ဆက်စၠောံ သုၚ်စောဲမာန်ရ။

သြဝ်ကဵုဂွံပြေပြံၚ်မာန်ညိ

ဉာဏ်ရတ်

ဂံၚ်သ္ကာဍာံ

Article 49 by

စေတနာဂျိ

Article 47 by