LKS Vol. (1)

ဗီုရုပ်ဂတိုပ်လိက် မဂ္ဂဇြေန်မန် လျးကျာ်သြဳ ကၞပ်ပထမ တြးပ္တိတ်လဝ် ပ္ဍဲကဵုသၞာံ-၂၀၀၅

LKS Vol.(2)

ဗီုရုပ်ဂတိုပ်လိက် မဂ္ဂဇြေန်မန် လျးကျာ်သြဳ ကၞပ်ဒုတိယ တြးပ္တိတ်လဝ် ပ္ဍဲကဵုသၞာံ-၂၀၀၆

LKS Vol. (3)

ဗီုရုပ်ဂတိုပ်လိက် မဂ္ဂဇြေန်မန် လျးကျာ်သြဳ ကၞပ်တတိယ တြးပ္တိတ်လဝ် ပ္ဍဲကဵုသၞာံ-၂၀၀၇

LKS Vol. (4)

ဗီုရုပ်ဂတိုပ်လိက် မဂ္ဂဇြေန်မန် လျးကျာ်သြဳ ကၞပ်စတုတ္ထ တြးပ္တိတ်လဝ်ပ္ဍဲကဵုသၞာံ-၂၀၀၉

LKS Vol. (5)

ဗီုရုပ်ဂတိုပ်လိက် မဂ္ဂဇြေန်မန် လျးကျာ်သြဳ ကၞပ်ပဉ္စမ တြးပ္တိတ်လဝ် ပ္ဍဲကဵုသၞာံ-၂၀၁၂

Monday, April 30, 2012

ဒဿန မိခၟောံကျေဝ်

လျးကျာ်သြဳ ကၞပ်(၅)

ဒဿန ရာမညအာၚ်မန်

လျးကျာ်သြဳ ကၞပ်(၅)

ဒဿန မိနန်ရတ်

လျးကျာ်သြဳ ကၞပ်(၅)

English-Mon Dictionary for IPhone, IPod touch, IPad

Eng-Mon Dictionary သွက် iPhone, iPod touch, iPad


ညးမသုၚ်စောဲမံၚ် iDevice (iPhone, iPod touch, iPad) တံ တၞဟ်နဂွံစုတ် မပ္တံကဵုမလိက်မန်,ဗၟာတံမာန်ဂှ် ဗွဲမဂၠိုၚ်တှ်ေ သ္ပလဝ် Jailbreak တုဲမံၚ်သၟးရ။ ဟိုတ်ဂှ်ရတှ်ေ ဗီုဂွံသ္ပ Jailbreak ဂှ် ပ္ဍဲဒၞာဲဏံဟွံထ္ၜးဏာရ။ [ယဝ်မိက်ဂွံတီ နဲသ္ပ Jailbreak မ္ဂး အာဗဵုကေတ် ပ္ဍဲ ဒၞာဲဏံ ညိ။] English-Mon Dictionary ဏံဝွံလေဝ် ဟိုတ်နူသုၚ်စောဲလဝ်မလိက် UniMon တုဲ သွက်ဂွံစုတ်မလိက်မန်ဂွံဂှ် iDevice ပိုဲသ္ဒးသ္ပလဝ် Jailbreak တုဲတုဲမှ သုၚ်စောဲ Dictionary ဏံမာန်ရောၚ်။English-Mon Dictionary ဏံဝွံ ဟိုတ်နူဒှ်မံၚ်file ဂကူ ".chm" တုဲ သွက်ဂွံဗှ်မာန်ဂှ် ပိုဲသ္ဒးသုၚ်စောဲ CHM Reader မွဲမွဲရောၚ်။ ပ္ဍဲဒၞာဲဏံသုၚ်စောဲ iChm တုဲ ထ္ၜးအာရောၚ်။ iChm ဝွံ Lite(free) version လေဝ်နွံမံၚ်ရ၊ ဆဂး Lite version ဂှ် ပ္ဍဲအရာ transfering file (မပလံၚ်ဏာနၚ် file) ဂှ် ဟိုတ်နူ ဒးပလံၚ်ဏာနၚ် နကဵု wi-fi သၟးဟေၚ်ဒုၚ်တဲတုဲ သွက်ညးသုၚ်စောဲ Desktop ကောန်ပျူတာတံ ဟွံပြေပြံၚ်ရောၚ်ထေၚ်တုဲ မ္ဒးသုၚ်စောဲဏာ Paid version ဏံရ။
   

English-Mon Dictionary for Mac OS X

English-Mon Dictionary သွက် Mac OS X


English-Mon Dictionary ဏံဝွံ နူကဵုမအရေဝ်အၚ်္ဂလိက် ညံၚ်ရဴဂၠာဲအာ အဓိပ္ပါယ်မန်မာန်ကီု နူအက္ခရ်မန်လေဝ် ဂၠာဲအာအၚ်္ဂလိက်မာန်ကီုရ၊ ပ္ဍဲအရာမဂၠာဲ "နူမအက္ခရ်မန် ဂၠာဲမအၚ်္ဂလိက်"ဂှ် မအၚ်္ဂလိက် ၜိုတ်မအက္ခရ်မန်ဇကုမဂၠာဲ ပါလုပ်မံၚ်ဂှ် ဟိုတ်နူဍေံဂၠာဲနၚ်ကဵုဖၟိုတ်တုဲ မလ္ၚဵုတံဂှ် ဟိုတ်နူသွဟ်ဍေံဂၠိုၚ်အာတုဲ သွက်ညးမဂၠာဲတံ ဂွံဆဵုသွဟ်ဇကုနွံပၟိက်ဂှ် ဟိုတ်နူဒးဗက်ခဍံက်ဇၟာပ်ဇၟာပ်မတုဲ ကမၠောန်ဂၠိုၚ်အာညိ ဒှ်မာန်ဏောၚ်။English-Mon Dictionary ဏံဝွံ ဟိုတ်နူချူလဝ်ကဵုမအက္ခရ် UniMon တုဲ သွက်ဂွံဗှ်လိက်တံဂှ်မာန်ကီု သွက်ဂွံဂၠာဲနကဵုမအရေဝ်မန်မာန်ကီုဂှ် စက်ပိုဲဒးစုတ်လဝ် UniMon Font ကေုာံ Keyboard Layout ဍေံရောၚ်၊ UniMon Font ကေုာံ Keyboard Layout သွက် Mac ဂှ် download ကေတ် ဒၞာဲဏံ ညိ။English-Mon Dictionary ဏံဝွံ ဟိုတ်နူဒှ်မံၚ် file ဂကူ ".chm" တုဲ သွက်ဂွံဗှ်မာန်ဂှ် ပိုဲသ္ဒးတောဲသုၚ်စောဲအာကဵု iChm ရောၚ်။
ဆက်ဗှ်...

English-Mon Dictionary for Linux OS

အဘိဓါန် အၚ်္ဂလိက်-မန် သွက် Linux OS


English-Mon Dictionary ဏံဝွံ ဟိုတ်နူချူလဝ်ကဵုမအက္ခရ် UniMon တုဲ သွက်ဂွံဗှ်လိက်တံဂှ်မာန်ဂှ် စက်ပိုဲဒးစုတ်လဝ် UniMon Font ရောၚ်။ English-Mon Dictionary ဏံဝွံ ဟိုတ်နူဒှ်မံၚ် file ဂကူ ".chm" တုဲ သွက်ဂွံဗှ်မာန်ဂှ် ပိုဲသ္ဒးတောဲသုၚ်စောဲအာကဵု Chm Reader မွဲမွဲရောၚ်။ Chmsee ဝွံ ဟိုတ်နူရံၚ်သောၚ်ထေၚ်ကဵုစိုတ်တုဲ သုၚ်စောဲဏာပ္ဍဲဒၞာဲဏံရ၊ Chmsee ဂှ် ဂၠာဲကေတ် ပ္ဍဲ Ubuntu Softwere Center တုဲ သ္ပကေတ် Install ညိ။
ဆက်ဗှ်..

English-Mon Dictionary for Window OS

အဘိဓါန် အၚ်္ဂလိက်-မန်


English-Mon Dictionary ဏံဝွံ သုၚ်စောဲလဝ်မအက္ခရ်စက် UniMon တုဲ သွက်ရဲသုၚ်စောဲ Online ကီု သွက်ရဲသုၚ်စောဲ Offline ကီု ကၠောန်ဗဒှ်ကဵုလဝ် သီုၜါသာ်ရ။သွက် Online Dictionary ဂှ် နူကဵုမအရေဝ် အၚ်္ဂလိက် ညံၚ်ရဴဂၠာဲအာ အဓိပ္ပါယ်မန်မာန်ကီု နူအက္ခရ်မန်လေဝ် ဂၠာဲအာအၚ်္ဂလိက်မာန်ကီုရ၊ ပ္ဍဲအရာမဂၠာဲ "နူမအက္ခရ်မန် ဂၠာဲမအၚ်္ဂလိက်"ဂှ် မအၚ်္ဂလိက် ၜိုတ်မအက္ခရ်မန်ဇကုမဂၠာဲ ပါလုပ်မံၚ်ဂှ် ဟိုတ်နူဍေံဂၠာဲနၚ်ကဵုဖၟိုတ်တုဲ မလ္ၚဵုတံဂှ် ဟိုတ်နူသွဟ်ဍေံဂၠိုၚ်အာတုဲ သွက်ညးမဂၠာဲတံ ဂွံဆဵုသွဟ်ဇကုနွံပၟိက်ဂှ် ဟိုတ်နူဒးဗက်ခဍံက်ဇၟာပ်ဇၟာပ်မတုဲ ကမၠောန်ဂၠိုၚ်အာညိ ဒှ်မာန်ဏောၚ်။သွက် Offline Dictionary ဂှ် နူကဵုမအရေဝ်အၚ်္ဂလိက်ဟေၚ် ဂၠာဲအာအဓိပ္ပါယ်မန်မာန်ရ။

English-Mon Dictionary သွက် Online ဂှ် အာဗဵုရံၚ် ဒၞာဲဏံ ညိ။
English-Mon Dictionary သွက် Offline ဂှ် အာဗဵုရံၚ် ဒၞာဲဏံ ညိ။

သမ္မတ အဝ်ဗမာ

လျးကျာ်သြဳ ကၞပ်(၅)


လာဘ်ဝွံ
ၜိုန်ရဟွံထေက်တန်ကဵုအဲ
ညးဂမၠိုၚ်ပါ်ပဲါ ဟီုဒၟံၚ်ကီုလေဝ်
စပ်ကဵုသ္ဂောံထမံက်အာရုပ်ရဴ
ကလိဂွံပရေၚ်ၜိုဟ်လလံမာန်ဂှ်
ဗွဲစၟတ် ကဏ္ဍပေဲါပၞာန်နွံဒၟံၚ်ဏီရောၚ်။
နမဗတိုက်ကေတ်
ပွမဟွံမွဲကဵုပကီုပရာပ်ဂှ်
ဖန်ပဒိုအ်ထောံဒပ်ပၞာန် "ဟတ္တဠာ"
ဟွံမာန်ပုဟ်…။

Essay P-13

ကြအ်ဆာန်လောန် ကောန်တၟံညံၚ်ထ္ကး

လျးကျာ်သြဳ ကၞပ်(၅)
သီုဟွံမွဲကဵုတၚ်စၟဳ ပၞာန်ပေဲါဗ္တိုက်ဟွံဂွံလလ​ောၚ်တြးဏီဂှ်
ဗှေ်မွဲသီဂွံဏာဂြိုဟ်အဲယျသွံ..
ကဵုဏောၚ်ဗီုဏံ သီုဟွံရန်တၟံလဝ်ဏီ
ဗှေ်မွဲသီဂွံဏာ ဖျုန်ဂြိုဟ်ကောန်တၟံအဲ လောဲလောဲတုဲ
လ္ပကဵုသၠေက်သၠံၚ်အာညိဂှ် အဲ ကၠတ်ရာမံၚ်ဒၞာ
သ္ၚိတ်သ္ၚိတ်ဖိုဟ်ရလေဝ်…။

novel P-94

Saturday, April 28, 2012

summer 01

summer 2009

summer 2010

Summer 2011

Tammahmon design

Thursday, April 26, 2012

က္ဍဟ်ၜိုန်သ္ကုတ်ပိုတ် စိုတ်ဟွံအိုတ်ကဵုဂကူ

လျးကျာ်သြဳ ကၞပ်(၅)


"ၜိုန်ရ စိုပ်အာသၟဝ်သ္ကေံတဲ ဂကူဗၟာတံကီုလေဝ် ရပ်လဝ်စိုတ်ဓါတ် နကဵုလညာတ်ပြဲပြဲမ္ဂး က္ဍဟ်ၜိုန်သ္ကုတ်အာကီုလေဝ် လတူကောန်ဂကူဂှ် စိုတ်ဟွံအိုတ်ဟေၚ်ရောၚ်" ရပ်လဝ်စိုတ်ဓါတ် ဗွဲမဂံၚ်သ္ကာ ညံၚ်ရဴဇာဒိသိုၚ်တုဲ ၜိုန်ရဗၟာတံ ဗ္စဖျုၚ်ကဵု ပုၚ်သွကီုလေဝ် ညံၚ်ရဴညးမဟီုစ "ပုၚ်ၜါထၟာဲဍိက်ၜါနာဲ"ဂှ် ဟွံဒုၚ်ယၟုဟေၚ်ရောၚ်…။ Essay P-48

Sunday, April 22, 2012

အဘိဓါန် မန်-အၚ်္ဂလိက်

အဘိဓါန် မန်-အၚ်္ဂလိက်

Mon-English Dictionary (Old)

ဂွံဆာန်လေပ် ဗ္တောန်လဝ်ရ ဂွံဝိုတ်မာန် ဂစာန်မံၚ်ရ

လျးကျာ်သြဳ ကၞပ်(၅)


မတ်ဗြဲ မာဂၠိုၚ်ဂၠိုၚ်ရဟီုဂှ် ဒှ်ကၠာလေဝ်
ဂွံဗက်ပြယာဲဗှေ်ဟွံလောဲ၊
လပှ်ပ္ဍဲမှာသၟိတ်ဂှ် စၞာဲသၠဲလးကီုရလေဝ်
ဗက်ဂတာဇိုၚ်ဗှေ်ဟွံစိုပ်ဏီ၊
တၞးသၠီဂွံဍာတ် ဗီုဍာ်သာဲဂှ် လေဝ်ဟီုဒှ်၊
ကၠဲကဵုကွဲ တုပ်တုပ်ရလေဝ်
ဗှေ်ဂံၚ်ထ္ၜးသက်သဳ၊
သၟတ်ဗြဴမၞုံရုပ်သာ် ဍိုက်ပေၚ်တဴကဵုကျာ်သြဳ အိန်ရဳဂှ်လေဝ်ဗှေ်၊
လီစၞာဲလေပ် ပြယာဲလေပ်ဂှ်လေဝ်ဗှေ်၊
ဂြိုဟ်ဍိုက်ပေၚ် ကုမေတ္တာမွဲ သ္ပအဲပရဲကွေံဟီုတုဲ
ဂံၚ်ဂၠံက်ဆက်ကွာဲကုညးတၞဟ်
သွက်ဂွံမိပ်မြဟ် နဒဒှ်ဇိုၚ်ကၞိန်လိုန်ဏာဂှ်
စေတနာပ္ဍဲဂၠံသြိုဟ်ရ...။

novel P-126

လၞီဝေဒနာတ္ၚဲဏံ

လျးကျာ်သြဳ ကၞပ်(၅)


ဂကူတံဏံ ကောံစိုပ်ကၠုၚ်
သၞာံဟွံလံဏီဂှ် ကေတ်မာန်
သ္ပအ္စာအာဂတမၞိဟ်
ဍဵုဍိုက်ဂကူမၞိဟ်လေပ်ယျတှေ်
လံမ္ဂး ဂွိၚ်ဖေက်နှဴဆီ
လ္တူဂကူဇကုဏီရ။
ကွေတ်ဝါဒ "ဂလာ ကဵု ဗမာ"
တုပ်တုပ်ရ။
ညိမှလေဝ် ဟွံတၞဟ်ခြာအာပုဟ်...။
novel P-106

ခေတ်ညး ဝၚ်ညး

လျးကျာ်သြဳ ကၞပ်(၅)


ဗိုလ်လဗးမွဲမွဲ အစောန်စရာဲညးကဵုညး နွံမံၚ်ဖအိုတ်ရ။
လ္ၚဵုစောန်သွာၚ်ဍိုက်စိၚ် ဍိုက်ချေံ၊
 လ္ၚဵုစောန်သွာၚ် ကွတ်ဇိုၚ် ကွတ်တဲ၊
လ္ၚဵုစောန်သွာၚ်ကွတ်ပါၚ်ခိုဟ်
လ္ၚဵုစောန်သွာၚ်လ္ပာ်ဗေဒၚ်ဟောရာ၊
လ္ၚဵုသစာဗိုန်လ္တူနာဲသၟး ဂွံဆဵုစဂၠိုၚ်ရ။
ဗိုလ်လဗးမွဲမွဲ ဂွံစောန်သွာၚ်ဇဳဂၠံၚ်ဂှ် အောန်ရ...။
Essay P-36

အဘိဓါန် အၚ်္ဂလိက်-မန်

အဘိဓါန် အၚ်္ဂလိက်-မန်
English-Mon Dictionary (Old)

Friday, April 20, 2012

Mon Links

Mon Websites
Mon Blogs



Mon Weebly

Mon Blogs

Mon Magazines
လျးရတ်တၟိ (weebly) (blogspot)
လျးကျာ်သြဳ (weebly) (blogspot)
ခေတ်ပညာ

Wednesday, April 18, 2012

ဍောၚ်ပ္ကဴမိ မိက်ဂွံဗဵု

လျးကျာ်သြဳ ကၞပ်(၅)

ဟိုတ်နူဆာန်တုဲ
ဇၟာပ်ကေၚ်ကာ ဗက်ပၟိက်မာန်ရ၊
ဟိုတ်နူဆာန်တုဲ
ဇၟာပ်ကေၚ်ကာ အေၚ်ဒုၚ်မာန်ရ၊
သစ္စဘဝမ္ဂးဂှ် ဒှ်မေတ္တာသ္ဍိုက်ဆာန်၊
မေတ္တာသ္ဍိုက်ဆာန်မ္ဂးဂှ်
ဒှ်ပွသ္ဍိုက်မၠိုက် ၜိုဟ်သ္တိုတ်ကၠေံဘဝရ...။
Novel p116

ဒှ်က္ဍိုပ်ကၠတှေ် ခိုဟ်နူဗ္တဇာဒိသိုၚ်ဏီ

လျးကျာ်သြဳ ကၞပ်(၅)

နာဲကၠောန်သွက်ဂကူမ္ဂးတှေ်
ကျာလောကဓဝ် ဇီုကပိုက်ကၠုၚ်မ္ဂး
အေၚ်ဒုၚ်ကဵုမာန်ညိ၊
ကၠေၚ်က္ဍဟ်နာဲဂှ် သုၚ်စောဲကဵုလေပ်ဒၟံၚ်ညိ၊
ဖဵုသွက်အတ္တဂှ် သၠးကၠေံညိ၊
လ္တူဂကူပိုဲ ဍော်ဓဝ်ဗြဟ္မဇဵုပန်ပြကာမတွံဂး
မေတ္တာ၊ ကရုဏာ၊ မုဒိတာ၊ ဥပေက္ခာ စွံလဝ်လၟိုန်ညိ၊
တၚ်ပန်တၚ်ဏံ ယဝ်ရနာဲယိုက်ဂၠေၚ်မာန်တှေ်...။

ဒှ်က္ဍိုပ်ကၠတှေ် ခိုဟ်နူဗ္တဇာဒိသိုၚ်ဏီ

Tuesday, April 17, 2012

ဇၚ်ရာဲ

ဇၚ်ရာဲ

ရမျာၚ်ကညၚ်

အဘိဓါန် မန် <=> အၚ်္ဂလိက်


အဘိဓါန် မန် <=> အၚ်္ဂလိက် သွက် Online ဝွံ ပ္ဍဲတ္ၚဲသၞာံတၟိ 2012 ဏအ်ကၠောန်တုဲဒှ်အာရ။ အဘိဓါန်ဝွံ နူမအရေဝ်အၚ်္ဂလိက် ဂၠာဲမအရေဝ်မန်၊ နူမအရေဝ်မန် ဂၠာဲမအရေဝ်အၚ်္ဂလိက် သီုၜါသာ်မာန်ရ။ ကာလပိုဲတက်စုတ် မအရေဝ်အၚ်္ဂလိက်မ္ဂး ဍေံထ္ၜးကဵု အဓိပ္ပဲါမန်တုဲ ကာလပိုဲတက်စုတ်ကဵုဍေံမလိက်မန်မ္ဂး ဍေံထ္ၜးကဵုအဓိပ္ပဲါအၚ်္ဂလိက်ရ။ အဘိဓါန်ဏံဝွံ ဟိုတ်နူသုၚ်စောဲလဝ်မလိက် Unicode တုဲ သွက်စက်ကောန်ပျူတာ ညးဟဂွံစုတ်လဝ် Keyboard သွက်ဂွံတက်မလိက် Unicode ဏီတအ် ကာလဂၠာဲမအရေဝ်မန်မ္ဂး သွက်ဂွံတက်မာန်ဂှ် စုတ်လဝ်ကဵုသီု English, UniMon, Mon Keyboard ပိဂကူရ၊ Keyboard ဇကုမခံၚ်တဲဂှ် ရုဲကေတ်တုဲ တက်အာလိက်တံဂှ်ဗွဲမပြေပြံၚ်မာန်ရ။ ကာလဂၠာဲမလိက်မ္ဂး တက်စုတ်မလိက်တုဲ ဟွံဒးခဍံက် Enter ပုဟ်၊ သွက်ဍေံဂွံထ္ၜးကဵုအဓိပ္ပဲါမာန်ဂှ် တက်စုတ်မလိက်တုဲမ္ဂး ဒးမၚ်ကဵုဗၞတ်လလံညိညရ၊ အက္ခရ်ကၠာအိုတ်မွဲမဟေၚ် ဒးမၚ်လအ်ညိတုဲ အက္ခရ်ဂှ်ပၠန်ယဝ်ခါရဆက်ဂၠာဲအာမ္ဂး ဍေံထ္ၜးကဵုဗွဲမပြဟ်ပြေဟ်မာန်ရ၊ ဇၟာပ်ပ်လှာဲအက္ခဝ်တၟိမွဲမွဲမ္ဂး ဒးမၚ်လအ်ညိရ။

ကျောဝ်ဗဵုစမ်ရံၚ် အဘိဓါန် မန်<=>အၚ်္ဂလိက် ဂှ် ဒၞာဲဏံ ညိ။

အဘိဓါန် မန်-အၚ်္ဂလိက် Offline [Win, Mac, Linux]


Mon-English Dictionary သွက် Offline ဏံဝွံ သုၚ်စောဲလဝ်မလိက် Unicode ရ။ ဟိုတ်ဂှ်ရ ပ္ဍဲအရာဂၠာဲ တၞဟ်နဂွံတက်မလိက်မန်မာန်ဂှ် စက်ပိုဲလေဝ်သ္ဒးစုတ်လဝ် Keyboard သွက်တက်မလိက် Unicode ကီုရ။ Keyboard UniMon, Mon နကဵု Keymagic ဂှ် ၜိုန်ရတိတ်လဝ်တုဲတုဲမံၚ်ကီုလေဝ် ဟိုတ်နူအဘိဓါန် မန်-အၚ်္ဂလိက်ဏံ သုၚ်စောဲလဝ် StarDict တုဲကၠောန်လဝ်ဂှ်ရ Keymagic Keyboard ဂှ် သုၚ်စောဲဟွံဂွံရ။ ဟိုတ်ဂှ်ရတှေ် ပိုဲသ္ဒးစုတ် Keyboard တၞဟ်ြခာမွဲပၠန်ရ။ Keyboard ဝွံလေဝ် ကၠောန်လဝ်ကဵုသွက် UniMon[Unicode], Mon[Unicode] သီုၜါဗီုရ။ Keyboard ဇကုတက်ခံၚ်မံၚ်တဲဂှ် Download ကေတ်တုဲ Install စုတ်ထောံညိ။ ဗီုရုပ်ခံက်အၚ်မလိက်ဍေံကဵုနဲဂွံတက်လၟေၚ်မအက္ခဝ်ဍေံလေဝ် ပါမံၚ်ပ္ဍဲဂှ်ရ။ Unicode Font ဂှ် အခိၚ်သ္ပ Install အဘိဓါန်ဏံမ္ဂး ဍေံလုပ်အာအလဵုလဵုဍေံတုဲ ဟွံဒးစုတ်ဍေံတၞဟ်ြခာရ။

Download ကေတ် UniMon[Unicode] Keyboard ဟွံသေၚ်မ္ဂး Mon[Unicode] Keyboard တံဏံညိ။

Mon-English Dictionary ဂှ် Download ကေတ် ဒၞာဲဏံ ညိ။

ကာလပံက် Mon-English Dictionary ဂှ်တုဲ ယဝ်ရဗှ်လိက်ဍေံဟွံဂွံမ္ဂး ပြံၚ်ကေတ်မလိက်ဍေံ အတိုၚ်သၟဝ်ဏံညိ။

1./ ဍဵုကဵုဒၞာဲထ္ၜးလဝ်ကောန်လဴအတိုၚ်သၟဝ်ဂှ်မွဲလတန်ညိ။



2./ ဍဵုကဵု Font ဂှ်တုဲ ဒၞာဲ 'Use custom font' ဂှ်ကဵုထောံစၟတ်တုဲ ဒၞာဲ 'Dictionary font:' ဂှ် ရုဲကဵုဍေံ TharLon ညိ၊ တုဲဒှ်မ္ဂး ကၟာတ်ထောံကဵု Close သၟဝ်ဂှ်ညိ။



Mon-English Dictionary ဏံဝွံ ကာလတၟာတ်ဍေံတှေ်လေဝ် ဍေံစှေ်နွံမံၚ်ပ္ဍဲ Notification Area Icons အတိုၚ်သၟဝ်ဏံဏီရောၚ်။ ဟိုတ်ဂှ်ရ ယဝ်ရမိက်ဂွံတၟာတ်ထောံဍေံစဵုအိုတ်အးမ္ဂး ဒးတၟာတ်ဍေံဒၞာဲ Notification Area Icons ဏံကီုရောၚ်။ ဍဵုကဵု Right-Click လ္တူ Icon ဍေံဂှ်တုဲ ဍဵုကဵု Quit ဂှ်မ္ဂး ဍေံတၟာတ်အာအိုတ်အးရ။



သွက် ညးသုၚ်စောဲမံၚ် Mac, Linux တံဂှ် အာဗှ်ကေတ် ဒၞာဲဏံ ညိ။

Saturday, April 14, 2012

Learning Mon 1/61

Learning Mon Yourself by Nai Ork Pung
အ္စာနာဲအံက်ပိုၚ် ကၠောန်ဗဒှ်လဝ်ရောၚ်၊ ဖအိုတ်ဂှ်နွံမံၚ် ၆၁-ဒကုတ်ရောၚ်၊ 
 Video လတူဂှ်ယဝ်ရဟွံပေၚ် ၆၁-ဒကုတ်မ္ဂး အာဗဵုကေတ်ပ္ဋဲ ဒၞာဲဏံ ညိ။ 
(တၚ်ဂုဏ်ကဵု MonEducation ညးမပ္တိုန်စွံလဝ်'Video'တံဏံပ္ဍဲ YouTube ဂှ်ဗွဲမလောန်ရ။) 

My Design

My Design

ဂကူမန်,လိက်မန် ကၠုၚ်နူလဵုရော

လျးကျာ်သြဳ ကၞပ်(၅)

 
    အ္စာသုတေသနတံ ဍေံတံချူဝၚ်ဂကူမွဲမွဲ ဍေံထ္ၜးသက်သဳမာန်ဒၟံၚ်ကီု၊ ဝၚ်ဂကူမ္ဂး သက်သဳလိက်ပတ် ဒှ်ဇြဟတ်ဇၞော်အိုတ်ရ။ ဍေံတံကေတ်လဝ်အဓိပ္ပါယ် ဂကူမန်, အရေဝ်မန်, လိက်မန်ကၠုၚ်နူမန်ဟွံသေၚ်ဂှ် ဟွံမိက်စှ်ေ စိုတ်အှ်ေရ။ ညးတၞဟ်ဟီုဂွံကၠာ ဟီုအာရ ညးတၞဟ်ချူဂွံကၠာ ချူဏာရ ဒးဆိၚ်ဆခယျကေတ်လဝ် နွံဗဝ်ရ။ 
   ဂွံလဝ်ဂမြၚ်ညာဏ်ကျာ်အရှန်ဟွံသေၚ် ဒးထေၚ်ကေတ်ရဂၠိုၚ်တုဲ ဍေံတံထေၚ်ကေတ်လဝ်နွံမံၚ်ကီုရ။ မိက်ဂွံထ္ၜးသက်သဳ တွဵုရးဍုၚ်မန်ကၠာတေံ အလုံ(၉၆)ဍုၚ် ပၞောဝ်ကဵုတွဵုရးဖာသီ, မံၚ်မလ, ဒဵုပသဲ, ဟံသာ ဒေံါ(၃၂)ဍုၚ် တွဵုရးဗဂေါဟံသာဝတဳ, ဍုၚ်သေၚ်, ဍုၚ်ဒလ, ဍုၚ်ပါဒ, ဍုၚ်လ္ဂုၚ်ဥက္ကလာပ(၃၂)ဍုၚ် တွဵုရးမုဟ်တၟံ, သဓီု သုဝဏ္ဏဘုံ,တ္ကအ်ခၟိုၚ်, ဗြဝတဳ, ရးဇြာဝါခရူ, ရေဝ်, ရး တနၚ်သဳ(၃၂)ဍုၚ်တံဂှ် ဒှ်ဍုၚ်မန်ဒက်ပ္တန်လဝ် ဍုၚ်မန်သိုၚ် နန်ပြာသာဒ် ဍုၚ်နွံကဵုဨကရာဇ်မန် ချိုတ်တ်ပၠိုတ်တ်မဒှ်ရ။
  ဂကူဒှ်သၟိၚ်မန်ကၠာအိုတ် ဒးထံက်ထ္ၜးဂလာန် ရာဇာဝၚ်မန်မ္ဂး တွဵုရးဍုၚ်မုဟ်တၟံ(၃၂)ဍုၚ် ဍုၚ်သုဝဏ္ဏဘုံဝွံ ကၠာကျာ်တြဲဂေါတမပိုဲ ဟွံက္တဵုဒှ်ကျာ်ဏီ ဗၞတ်(၅ဝဝ)သၞာံ တေံ ဂကူမန်မၚ်ဗၠာဲမၞုံယၟု သုဓမာနဝ, သုဓမ္မမာဏဝ, သၟိၚ်အိန်မာဃတၠသွဝ်ၜါ စှ်ေကၠုၚ်ပသေက်ကဵု သ္ပဨကရာဇ်မန် ကၠာအိုတ်ရ။
သ္ပဟိုတ်နူကဵု သၟိၚ်အိန်နိမိတ်ဗဒှ်ကဵု ဍုၚ်ပြာသာဒ် သၠိုက်ကဵုအဘိသိက် ၝောံကိုဋ်ဗြကၞေၚ် ရေၚ်မတ်ရတ် နာနာ ရန်ကဵုယၟုယၟာဗွဲဘာသာပါဠိဂှ်တုဲ "ဍုၚ်သုဓမ္မဝတဳ̋ ဍုၚ်မၞုံကဵုဓဝ်သၟိၚ်အိန် ခုတ်ခဴကဵုလဝ်ယၟုရ။
  ဂလာန်ရာဇာဝၚ်မန်ဂှ် ဒှ်ဂလာန်မဍာံပြဟေၚ်တုဲ မၚ်ဗၠာဲသၟတ်မန် သုဓမ္မမာဏဝဂှ် ဒှ်ကောန် ညးဇၞော်တမ္ၚာ တုဲ မၚ်မွဲလဝ်သဳလဥပုဟ်လၟိုန်ကာလရ။ မိမယာဲဣတဂှ် ၜိုန်ရကၠောန်မံၚ်ကမၠောန်တမ္ၚာ ဂယိုၚ်လမျီု ̏မိစ္ဆာဇဳဝ̋ ပရေံကဵုဒှ်ကၠာရ။ ကောန်တြုံပရဲ ပြဲနူတၞဟ် ဒှ်ညးတၠပါရမဳဂှ် ဝေၚ်ပဲါထောံကမၠောန် ပွသရာံပါပ် ဗၞတ်မွဲအာယုက် မာန်တုဲ ဟိုတ်နူအသိၚ်သဳလဥပုဟ် သဳလပါရမဳစိ သၟိၚ် အိန်ဒေဝတဴသွဝ်ၜါ ဒးစှ်ေသၠိုက်အဘိသိက် ပအပ်ဇိုန်ကဵု ကၟိန်ဍုၚ်က္ဍိုၚ်ဗ္တာၚ်နန်ထဝ် ပြာသာဒ်ထဝ် ကဵုသ္ပသၟိၚ် ဨကရာဇ်မန်ကၠာအိုတ်ရ။
  ဟိုတ်ဂှ်ရ ထံက်ရံၚ်ကဵုဒဒှ်သက်သဳ ရာဇာဝၚ်မန် အာဂမယုတ္တိ ဗီုဒှ်မူလဍာံပြဒၟံၚ်တုဲ သၟိၚ်ဨကရာဇ် မန်ဂမၠိုၚ်တံဂှ် ယာဲအပါမန်ဟေၚ်ၜံၚ်ခ္ဍတ်ပတိတ် က္တဵုဗဒှ်ကဵုဂကူမန်မဒှ်ရ။ မန်ကၠုၚ်နူမန်ဇေတ်တ် ဂကူမန်, အရေဝ်မန်, လိက်မန်,ယေန်သၞာၚ်မန်,ကၠုၚ်နူမန်ဖအိုတ်ရ။ တိတ်ကၠုၚ်နူကဵု ဂကူ(၄)ဂကူတေံ ဟွံသေၚ် ဂကူမန်ပိုဲသမ္တီလဝ် ချိုတ်တ်ပၠိုတ်တ်အိုတ်ညိအဴ။ စပ်ကဵုကိစ္စ အရေဝ်မန်, လိက်ပတ်မန်ဂှ် လညာတ်ရဲညးလ္ၚတ်(သုတေသန) တံဂှ် ဂကူမန်, လိက်မန်, အရေဝ်မန်, ကၠုၚ်နူကဵု (၄)ဂကူတေံရ။  ဂကူမန် ယဝ်ရ ကၠုၚ်နူဂကူ(၄)တေံမ္ဂး သံသယသၠေဟ်ပၟာ ဟွံအိုတ်ရ။
   မန်ကၠုၚ်နူဂလာလေဝ်ဒှ်ဂွံ ကၠုၚ်နူကြုက်ခမေန်လေဝ် ဒှ်ဂွံသၠေဟ်ပၟာဟွံအိုတ် နကဵုစိုတ်ဟေၚ် ဒးထေၚ်ဒးခယျ ဆိၚ်ဆကေတ်တုဲ သံသယစိုတ်က္တဵုဒှ်ၜါလွးရ။ ဂၠာဲရိုဟ်ကၞက်တမ် ဂကူမၞိဟ်ဂွံလဝ် ကၠာတမ်ဍာ်ၜဳမှာသၟိဒ် နွံဒၞာဲလဵု ရောဒဵုသိန္နရာဇ်နွံဒၞာဲလဵုရော အာဂၠာဲဆဵုမံၚ်ကီုဟာ? လညာတ်အ္စာ ရာဇာဝၚ်မန်လ္ၚဵု ဂကူမန်လိက်မန် အရေဝ်မန်ကၠုၚ်နူမန်ဟေၚ် သၠေဟ်ပၟာဟွံမွဲတုဲ ဖျေံတၚ် သ္ဂုတ်သွာတ်ဂံၚ်ၚ် ဟွံယောၚ်ဟွံယံၚ် ဖျေံစိုတ်ပိုတ်တ် သ္ကုတ်တ်ရ။ ဂကူမန်,လိက်မန်,အရေဝ်မန်, ကၠုၚ်နူဂဝ် ဂၞဴတၟာမလ္ၚဴဟွံသှ်ေ နူကၠာကျာ်တြဲဂေါတမဟွံက္တဵုဒှ်ဏီ ဗၞတ်(၅ဝဝ)သၞာံ ပယာံမလအ် တေံဟေၚ်၊ ဟွံသေၚ်သာ်ဂှ် နူတိဒှ် ဒကှ်တိုန်တေံ မန်ပိုဲသှ်ၜေက်ကၠုၚ်မံၚ် စဵုကဵုအခိၚ်လၟုဟ်ရ။
   ဟီုဍေံရ လိက်မန်ကၠုၚ်နူဂလာအိန္ဒိယ(INDIA) အက္ခရ်ဗြဟ္မဳ နူဂှ်အက္ခရ်ပလ္လဝ ကဒမ္ဗဂးသာ်ဂှ်တုဲ ပူဂဵုလ္ၚဵု လ္ၚဵုလေဝ်ဒုၚ်ယဵုအာမန္တာနွံမံၚ်ကီုရ။ ခရေတ်အေဒဳ(ဗီ) (၅ဝဝ)သၞာံဂှ် အ္စာသၠပတ်မန် မှာထေရ်ဗုဒ္ဓဃောသာ က္ညအာချူကှ်ေဆာဲ ကၠာဲကေတ်ပိဋကတ်ပိစိုပ် ဍုၚ်မန်သုဝဏ္ဏဘုံရ။ သၞာံသာသနာမန်ပိုဲဂှ် (၉ဝဝ)သၞာံဟေၚ် ဝၚ်ပိဋကတ်မန် စၞောန်ထ္ၜးလဝ်တုဲ အက္ခရ်မန် လိက်မန်ပိုဲဂှ် နွံမံၚ်ပ္ဍဲဍုၚ်မန် သုဓမ္မဝတဳ ကၠာနူသၞာံခရေတ် ထုက်ထက်ဏီရ။

  (က)ဗြဟ္မဳသဒ္ဒါ ဣကာရန္တပုံလိၚ်ဂှ် ပ္ဍဲပါဠိအဘိဓာန်မန် အက္ခရာဝလိဟွံမွဲတုဲ ဗြဟ္မဳ ဣကာရန္တ ပုံလိၚ်ဟေၚ် နွံထေၚ်လဵုမံၚ်ရ။ ဗြဟ္မဳသဒ္ဒါဂှ် တွံအရထတၞးဗြီု-မနဳ တွံအရထဂလာန် ၜါသာ်ရ။ တၞးဆုဗြီုမနဳဂှ် တၞးဍေံ ညးသ္ပဂဥုဲ အ္စာသဝ်တံရပ်စပ်စကာရ။

   (ခ)ကဒမ္ဗသဒ္ဒါ အာကာရန္တပုံလိၚ်ဂှ် တွံအရထ ဆုသဴ, ဆုပြဲ, တၞံရာဲသဳဓတ်, တၞံမိတ်, ဂကောံ တွံအရထ (၅)ဂကူရ။

  (ဂ)ပလ္လဝသဒ္ဒါ အကာရန္တပုံလိၚ်ဂှ် တွံအရထသၠ လမတ်, တၞံဆုမၜတ်, တၚ်ကၞာၚ်ဆု, မဒှ်မွဲဟာန် သၠလၟတ်, တွံအရထသၠဆုၜတ်တ်ကဵုတၚ်ကၞာၚ်ဆုရ။
  ပါဠိသဒ္ဒါဍာံပြဟေၚ် အရထဍေံတိတ်ကၠုၚ်ဗွဲမဍာံပြတုဲ အဓိပ္ပါယ်နွံပၟိက်လ္ပာ်ဍေံလေဝ် ကလိဂွံမာန် ဗွဲစၟတ်ဟေၚ်ရ။ အတိုၚ်လညာတ်ညာဏ် အ္စာသုတေသနတံကေတ်လဝ် အဓိပ္ပါယ်အက္ခရ်မန် ကၠုၚ်နူဍုၚ်ဂလာအိန္ဒိယ ထ္ၜးပါဠိပိပိုဒ်ဂှ်တုဲ ကံက်ကေတ်အဓိပ္ပါယ်ဂွံ ဂွံဍောၚ်ဓရ် သဒ္ဒတ် သာ်ဂှ်ရ။ အက္ခရ်လိက်မန်, ကၠုၚ်နူဗြဟ္မဳဂှ် ဂွံကဵုတၞးဆုရ။ အက္ခရ်မန်,လိက်မန် ကၠုၚ်နူတၞံဆု, တၞးဆုဂှ် ဒှ်အဓိပ္ပါယ်ဍေံရ။ ဂလာန်အရေဝ်ဂှ် ကၠုၚ်နူဂလာတုဲ ဆက်စိုပ်ကၠုၚ်မန်ပိုဲဂှ် ဒှ်ဟွံမာန် ဗၠေတ်လ္ပကေတ်စညိ။
  အက္ခရ်မန်,လိက်မန် ကၠုၚ်နူဗြဟ္မဳ,ပလ္လဝ,ကဒမ္ဗ ဍာံပြဟွံဍာံပြ စၟဳစၟတ်ရံၚ်နကဵုသဒ္ဒါညိ။ ညံၚ်ရဴမလိက် နွံပ္ဍဲဗုၚ် ဂၞဴမပ္တံ (သြွံသြွဳဿုံဟ္တအအ)တံဂှ် ဒှ်ပါဠိလီုလီုတုဲ အရထဟွံမွဲ အဓိပ္ပါယ်ဟွံတိတ်ရ။ ယဝ်ရကေတ်အတိုၚ် ပါဠိပိပိုဒ်ဂှ်မ္ဂး လိက်မန်ပိုဲဂှ် တုပ်ကဵုလိက်ဗၟာလကျာ်တဳ ခမဳအပြောံ ဍုၚ်ဗကာံ တေံကီုရ။
   လကျာ်တဳခမဳအပြောံတေံဂှ် ကၠောန်ဗဒှ်ချူကေတ် လိက်ပပ်ပ်ပဳပဳတုဲ အာတိုပ်ပြိုက်စုတ် ပ္ဍဲဂဝေၚ်ဆု ပေၚ်ပိသၞာံ ဂဝေၚ်ဆုဂှ် ဂတိုပ်ခၞော်ဍေံပေၚ်တိုန်တုဲ ကၟာတ်ကၠက်အာရ။ ဒဒှ်ရလိက်ဗၟာပိုဲနွံဒၟံၚ်ဂှ် ဒေဝတဴတံကဵုနိ မိတ်လ္ပအ်တုဲ ပိုဲမရာဇ်ဒးဇက်ပၞာန် အာကေတ်လိက်ပတ် တံဂှ်ရောၚ်။ ဂရၚ်ပ္တီ သၟိၚ်ဗၟာအနဝ်ရထာ (အနော်ရထာ)ရ။ သၟိၚ်ဗၟာအနဝ်ရထာပတှ်ေတုဲ ဇက်ပၞာန်အာခဲါ အာၜံက် အာဂၠံက်ကေတ်တုဲ ဒှ်လိက်ချူဗဒှ်ကၠောန်ကေတ် ပပ်ပ်ပဳပဳဂှ်တုဲ ညိဟွံကိတ်ညဳကဵု ပရေၚ်လောကဓမ္မ ဒ္စာံသာ်တုဲ သၟိၚ်စံၚ်ထောံဖအိုတ်ရ။
   ဂွန်အလီညာဏ်အလီဇၞော်ကွေံကွေံတုဲ ဟိုတ်နူကဵု လိက်ပတ်ဟွံမွဲဂှ်ရ လကျာ်တဳခမဳအဖြေဟ် ဒးကၠောန်ဗဒှ်ကေတ်လိက်ပတ်ရ။ လိက်မန်ပိုဲဂှ် ဟွံတုပ်ကဵုလိက်ဗၟာ လကျာ်တဳဍုၚ်ဗကာံတေံပုဟ်၊ လိက်မန်ပိုဲဂှ် ကၠုၚ်နူကဵုတၞံဆု, တၞးဆု, ကဝေၚ်ဆုဟွံသေၚ်၊ ကၠုၚ်နူကဵုမန်ဂကူမန်ဟေၚ်ရ။ ခေတ်ညး ကဵုညး အခိၚ်ညးကဵုညး စကာသုၚ်စောဲပြံၚ် လှာဲကၠုၚ်နွံမံၚ်တုဲ လိက်မန်ခေတ်သၠပတ် ပြာကတ်မံက်ဂတဝ်တိုန် ပ္ဍဲလက်ထက်အ္စာကဝိမန် အ္စာသၠပတ်မန် မှာထေရ်ဗုဒ္ဓဃောသာပိုဲရ။
   ကောန်မန် ပိုဲဂွံတီအာကိုန်ဂစိုတ်မာန် ဂကူမန် လိက်မန် အရေဝ်မန် ကၠုၚ်နူမန်ဟေၚ်၊ ကွေတ်ဗုဒ္ဓ ဘာသာကဵု အခိုက်ကၞာသာသနာမန် ကၠုၚ်နူမန်ဟေၚ်၊ အခိုက်ကၞာရှ်ေသှ်ေ ဗဴဗယိကလော်သ္ၚိ ကၠုၚ်နူမန်ဟေၚ်၊  အခိုက်ကၞာ ဒက်စေတဳ ဒးပ္တိုန်က္ဍိုၚ် လ္ဇံက်က္ဍိုၚ်ကျာ် ကၠုၚ်နူမန်ဟေၚ်။
   အခိုက်ကၞာ သ္ပဒကာထပိုဲခမဳပယျၚ် ကၠုၚ်နူမန် ဟေၚ်၊ အခိုက်ကၞာ ပြေၚ်စွံကမ္မဋ္ဌာန်သၚ်ကဵုခရှ်ဂှ် ကၠုၚ်နူ မန်တံဖအိုတ်ရ။ ဟိုတ်ဂှ်ရ-ဂကူမန်,လိက်မန်,ကၠုၚ်နူကဵုဂကူတၞဟ် သအာၚ်တေံဟွံသေၚ်။ (ဂကူမန်,အရေဝ်မန်, လိက်ပတ်မန်, ယေန်သၞာၚ်မန်) ကၠုၚ်နူမန်ပိုဲဖအိုတ်ရ။
  မိက်ဂွံဗ္ကန်ဏာကဵုဂကူမန် ညးမဗှ်လိက်မန်ပိုဲတံ မွဲတၚ်ပၠန်ဂှ် ဒၞာဲလဵုမံၚ်ၚ်က္ဆံၚ်လဵုစိုပ်ပ် ဟီုအရေဝ်မန်, ချူဗှ်လိက်မန်, သုၚ်စောဲအာယေန်သၞာၚ်အခိုက်ကၞာမန်ပိုဲတံ အိုတ်ညိ။ လ္ပထေၚ်ဇၞော်ကဵုဂကူတၞဟ် သအာၚ်အိုတ်ညိဂှ် မိက်ဂွံဗ္ကန်ပြၚ်ဏာ နကဵုကၞေဟ်လိက်ဏံ မဒှ်ရအဴ။

ဗွဲမအဲပရဲဟေၚ်
ရာမညအာၚ်မန် (တံၚ်ပရၚ်)

ရတ်အပါ

လျးကျာ်သြဳ ကၞပ်(၅)
   ပ္ဍဲကွာန်ပစ္စန္တရးမွဲဒၞာဲ ဗမၞးသမ္ၚေဟ်မွဲ ပ္တဴအိန်ထံၚ်တုဲ ကလိဂွံလဝ်ကောန်ဇာတ်ပိတၠရ။ သမ္ၚေဟ်ဂှ် မၞုံကဵုဇဲလွဳ ပ္တိတ်ဇြဟတ်လ္ပာ်ကမၠောန်ဗွဲမလောန်ရ။ အခိၚ်ဂွံလၞုဟ်အာ လ္ပာ်ကမၠောန်ဟွံမွဲ၊ နူဂယးသဝ်တ္ၚဲ ပ္တိတ်မံၚ်ဇဲလွဳ သွက်ဗုၚ် ဂၞဴတံရ၊ ကမၠောန်ခိုဟ်ပရေံ ဟွံဟီုရေၚ်တၠုၚ်တဴရ။
  ကောန်သမ္ၚေဟ်ပိဂှ် ၜိုန်မၞုံကဵုရုပ်သာ်ကျေဝ်ဂေါဝ် တဴကီုလေဝ် စိုတ်ဟွံမွဲကဵုကမၠောန် လၟုဟ်ဒ္ကုဲ မံၚ်လၟိုန်ရ။ သမ္ၚေဟ်ဂှ် နူသမ္ဘာဇကုစဴအာဘဝပလိုက်တုဲ ကမၠောန်ဗ္ၚကီု၊ ကမၠောန်ကၠအ်သွဝ်ဥယျာဉ်ကီု
သီုကမၠောန်ပ္ဍဲသ္ၚိနာနာသာ် ဒးရေၚ်တၠုၚ်တဴရ။ ကောန်သမ္ၚေဟ်ဂှ် တီဆတက်ကျာ ဂ္ဇအ်ဆေၚ်ဍာ် လက်ဖက် ဗက်မိပ်ဂြိုၚ်စပၠေၚ်မံၚ်သၟးသၟးရ။
   ကာလမသကလောကောဒေံ ဗ္တိုက်ဖေအာဝ်ကဵု ကၠောန်ကမၠောန်မ္ဂး ̏အပါပိုဲ ကၠောန်ဗ္စမံၚ်ပိုဲရတှ်ေ မုပိုဲဂွံဒး ကၠောန်မံၚ်ဏီရော?" ဗီုဏံက္လေၚ်ဟီုသွဟ်ရ။
  သၞာံလေဝ်လအ်ကၠုၚ်သိုက်က် ကောန်သမ္ၚေဟ်ပိဂှ်လေဝ် စိုပ်ကၠုၚ်အဝဲဗၠာဲ သမ္ၚေဟ်ဂှ်လေဝ် အာယုက်ဇၞော် အဝဲဗျုကၠုၚ်သိုက်သိုက်ကီုရ။ ဗီုဍောတ်ဍောတ်တေံ ဂွံရေၚ်တၠုၚ်ကမၠောန်ကေၚ်ကာ ဟွံမာန်ကွေံကွေံတုဲ ဥယျာဉ်ကၠအ်သွဝ်တံဂှ်လေဝ် ဒှ်ညံၚ်ဂြိုပ်ဇၞော်ထုဲၜန်တဴရ။ ကောန်ဇာတ်တံဂှ်လေဝ် စိုတ်ဟွံလုပ်စကဵု ကမၠောန်ကေၚ်ကာရ။
ကာလဂှ်-
   ̏ယွံကောန်တံ မုဟိုတ်ဂွံဂ္ဇံပၠေၚ်မံၚ် အခိၚ်အိုတ် ဂှ်ရော အပါဏံ ဗီုဍောတ်ဍောတ်တေံဟွံသေၚ် ဇြဟတ် ဇိုၚ်တဲဟွံခိုၚ်ရ ကောန်တံကၠောန်စကမၠောန်ကီု" အပါဂှ်ဟီုတုဲ ကောန်တံဂှ် ̏ယွံအပါသွက်ဂွံ ကၠောန်ကမၠောန်ဂှ် အခိၚ်ဟွံလဇုဲဏီပုဟ် မံၚ်ဒၟံၚ်ၜိုဟ်ဟ် သြိုဟ်ဟ်ကၠာ" သာ်ဝွံ က္လေၚ်ဟီုတဴကဵုအပါဂှ်ရ။
သမ္ၚေဟ်ဂှ် ဒၟာနူကောန်တုဲ စိုတ်ဟွံဒှ်တသိုက် ဗွဲလောန်ရ။ ပရေၚ်ထတ်ယုတ်လေဝ် မွဲတ္ၚဲကဵုမွဲတ္ၚဲ ဆောတ်ယောၚ်ကၠုၚ်တုဲ၊ လက္ကရဴအိုတ်ဏံလောတ်စှ်ေ အာဒၞာဲသတိက်တုဲ က္လေၚ်က္တဵုဟွံမာန်ရ။
    ကာလဂှ် ကော်ပကောံဂွံကောန်ဇာတ်တံဂှ်တုဲ ဟီုဗ္ကန်တဴရ။
̏ယွံကောန်တံ အပါဏံစိုပ်မံၚ်အခိၚ်လအိတ်ရ၊ အပါဟွံမွဲတုဲ ကောန်တံဗီုလဵုဂွံမံၚ်စံၚ် ဂွံစသုၚ်အာရော ကောန်တံမုကမၠောန်ရောဟွံကၠောန် မုကမၠောန်ရော ကၠောန်ဟွံလေပ်" သာ်ဝွံဗျိဒေါန်တုဲ သီုအောန် တဴစိုတ် ဟီုကရောတ်တဴ ဍာ်ရမတ်တံဇွောဝ်စှ်ေပြုဲပြုဲရ။ 
   ကၠာအပါမတ်ဟွံပၠိုတ်ဏီ သွက်ကောန်တံ အပါဏံပၞုက်စွံလဝ်နွံမွဲရ။ အတိုၚ်ကောန်တံဆဵုမံၚ်ဂှ်ရ အပါဏံမၞိဟ်ပ္တိတ်ဇြဟတ်ကဵုကမၠောန်မွဲတုဲ သၞာံဗွဲမလအ် အပါဏံပ္ကောံစွံလဝ် ထဝ်နွံမွဲနုၚ်ရ။ နုၚ်ထဝ်ဂှ် တိုပ်လဝ်ဇရေၚ်သ္ၚိဏံရ၊ ဒၞာဲဍာံစၟတ်ဂှ် အပါဏံသမ္တီဟွံဒးရ။ နုၚ်ထဝ်အပါ စွံပ္တန်လဝ်ဂှ် ကောန်တံဂၠာဲ ညံၚ်ဂွံဆဵုညိ။ ထဝ်တံဂှ် ဒှ်သွက်ကောန်တံ ဂွံဂျိုၚ်လမျီုဗွဲတသိုက်ရ၊ သာ်ဝွံဟီုဗ္ကန်လဝ် ကဵုကောန်တံဂှ်ရ။ သမ္ၚေဟ်ဂှ် ခြာဟွံလအ်ဟေၚ် ဒးအာစိုပ်အနိစ္စဓဝ် စဴအာဘဝပလိုတ်တေံရ။
  ကောဒေံတံညးပိဂှ် အတိုၚ်အပါအံက်ဇကုဗ္ကန်လဝ်ဂှ် ၜံက်ခဲါဂၠာဲတဴနုၚ်ထဝ်ဂှ်ရ။ နူဂယးသဝ်တ္ၚဲ ပ္တိတ်ဇဲတုဲ ၜိုန်ဂၠာဲသ္ၚဳတဴကီုလေဝ် ဟွံဆဵုကေတ်ရ။
  ကောဒေံညးပိဂှ် ဍောၚ်လေဝ်ဍောၚ် နုၚ်ထဝ်လေဝ်ဟွံဆဵုတုဲ ညးလ္ဒောဝ်ဂှ်ဟီုတဴရ၊ ̏ယွံကောဇၞော် ပိုဲၜံက်ဂၠာဲမံၚ်ဇိုၚ်သ္ၚိဏံသၟးမ္ဂး ဆဵုကေတ်ဟွံမာန်ရ၊ ပွိုၚ်ကၠအ်ပိုဲမွဲအလုံအိုဿီု ပိုဲၜံက်ဂၠာဲအာမ္ဂး ခိုဟ်တဴရ"သာ်ဝွံ ညးလ္ဒေါဝ်ဂှ်ကဵုကသပ်တုဲ ညးပိဂှ်အလုံကၠအ်မွဲ ၜံက်ခဲါဂၠာဲတဴကီုလေဝ် ဟွံဆဵုကေတ် နုၚ်ထဝ်ဂှ်ရ။ ကာလဂှ် ညးဍောတ်အိုတ်ဂှ် ဟီုတိုန်ပၠန်ရ။
   ̏ယွံကောတံ စိုတ်ဓာတ်လ္ပလီု နုၚ်ထဝ်အပါဗၠိုက်မံၚ်သၟဝ်ဏံရ၊ ထပ်ဂၠာဲစှ်ေညိပၠန်မ္ဂး ဂွံဆဵုကေတ် မာန်ရ၊ ကဵုဇြဟတ်ဗ္တိုက်ဗ္တောန်မံၚ်ညးသ္ကံရ။
   ကောဒေံညးပိဂှ် ဟိုတ်နူလောဘဇဴစကာလဝ်တုဲ ဍောၚ်ဟွံလေပ်ဇူဟွံမွဲ၊ ဟိုတ်နူအသိၚ်လောဘဇဴ ဓလီုလဝ်တုဲ ပဠက်နူက္ဍိုပ်စိုပ်ဇိုၚ် ဇွောဝ်ဍေၚ်တဴလေဝ် ဟွံလုပ်ဇူ၊ ကာလဂှ် ညးဇၞော်ဂှ်ၜံက်ဒး ဝတ္ထုမကြံၚ်မ္ၚိုဟ်မွဲ ဗြုတိုန် ̏ဍက်" ထေၚ်ဂးနုၚ်ထဝ်တုဲမိပ်မြဟ်တိုန် သီုဟွံကျောဝ် ရံၚ်ချိုတ်ပၠိုတ် က္ညာၚ်ကော်ဒေံၜါဂှ်ရ။ ဒေံၜါဂှ်လေဝ် ထေၚ်ဂးနုၚ်ထဝ်တုဲ ဂြိုပ်ကၠုၚ်ဇရေၚ်ကောဂှ်ရ၊ ညးပိထိုက် ကယျာတိုန် နုၚ်ထဝ် လေဝ်ဟွံသေၚ် ဒှ်ဒၟံၚ်တၟံက္လောံတုဲ စိုတ်အေဲဇြၚုၚ်ၚတဴရ။
  ညးပိဂှ် ဆက်ရပ်ဂွံၜံၚ်တူတုဲ ခဲါဂၠာဲတဴပၠန်ရ။ ၜံက်ဂၠာဲမံၚ် တိလ္တူဒှ်တိသၟဝ် ဂၠိုက်ဂၠာဲမံၚ်အလုံ ကၠအ်ဥယျာဉ် မွဲလေဝ်ဟွံဆဵုကေတ်တုဲ ̏ယွံဒေံတံ ပိုဲဂၠာဲမံၚ်အလုံကၠအ် ဥယျာဉ်မွဲအိုတ်အာယျ မူလေဝ်ဟွံဆဵုဂုဏ်ဖဵု ဍေံဂွံနွံဂးပိုဲ တဵုလွဳနဲအပါပိုဲ မပ္တံသၞေဝ်ကေဝ်စၞစ စၞသုၚ်သတ်ဆု သတ်ဒုန် မပ္တံသြောံဂန်၊ၜဴ၊ကြုက်တံနာနာသာ်မ္ဂးတှ်ေ ခိုဟ်ရ̋ ကောဇၞော်ဂှ်ဟီုတုဲ ဒေံၜါဂှ်လေဝ်တုပ်စိုတ် တဵုလွဳတဴသၞေဝ်ကေဝ် သတ်ဆုသတ်ဒုန်နာနာသာ် အလုံကၠအ်မွဲရ။ သၞေဝ်ကေဝ် သတ်ဆု သတ်ဒုန် သတ်ကဴကၠုၚ်တုဲ၊ သွံရာန်ဒှ် အာတၠကၠအ်သွဝ် သၞေဝ်ကေဝ်သတ်ဆုသတ်ဒုန်တုဲဒှ် ကၠုၚ်ပိုန်ဒြပ် ထဝ်သြန်ရ။
   ကာလဂှ်ကောဇၞော်ချပ်ဂွံ အရေဝ်အပါဇကု ဗ္ကန် လဝ်တိုပ်စွံလဝ်နုၚ်ထဝ်ဂှ်တုဲ ဟီုကဵုဒေံၜါဂှ်ရ။
  ̏ယွံဒေံတံ အပါပိုဲဗ္ကန်လဝ်တိုပ်လဝ်နုၚ်ထဝ်ဟီုဂှ် တၞဟ်သအာၚ်ဟွံသေၚ်ရ သတ်ဆုသတ်ဒုန် ပိုဲတဵုလွဳလဝ်ဏံဂှ် ဒှ်နုၚ်ထဝ်အပါကဵုလဝ်ရဒေံတံ၊ ရတ်အပါပိုဲ ကဵုလဝ်ဏံ မွဲ ဘဝပိုဲစသုၚ်ဟွံအိုတ်ရ"
   ကောဒေံညးပိ ကၠိုဟ်ကေတ်စေတနာအပါတုဲ မိပ်မြဟ်အဵုဇိုတ် ပ္တိတ်အာဇြဟတ် လ္ပာ်ကမၠောန် ဂယိုၚ်အာလမျီု နကဵုကမၠောန် တဵုလွဳကၠအ်သွဝ်တံဂှ်ရ။

ကွးဘာမန်-မိပ္ကဴသြန်

ရာမညအာတ်ဆာန်

လျးကျာ်သြဳ ကၞပ်(၅)

လညာတ်ဒဿနဗျူဟာ

လျးကျာ်သြဳ ကၞပ်(၅)

စရာဲလိက်ပတ်

လျးကျာ်သြဳ ကၞပ်(၅)

Friday, April 13, 2012

တပ်တးယဝ်လွဳ တိုၚ်ခဳစိုပ်အာ

လျးကျာ်သြဳ ကၞပ် (၅)

ဝိုတ်ထောံလ္ပထေၚ်

လျးကျာ်သြဳ ကၞပ်(၅)

ဥယျောဇိုန်

လျးကျာ်သြဳ ကၞပ်(၅)